【好好甜品唔單止係糖水舖，仲係同事嘅大家庭！🥭🏠】
MangoHoho我哋一直當同事係屋企人同好朋友。知道舖頭入面有唔少 part-time 同事都係讀緊書嘅學生哥，每日喺返學同返工之間頻頻撲撲、努力奮鬥💪。
為咗鼓勵一班年輕同事喺「好好甜品」吸收社會經驗之餘，都可以兼顧學業考取好成績，我哋特別設立咗「好好甜品傑出學生同事獎學金」！📚✨
喺上個學期，我哋有兩位超級勤力嘅兼職同學成功達標，攞到 Tier A ($1,000) 嘅獎勵！🎉 趁住 3 月 18 日我哋搞「員工聯歡燒烤晚宴」嘅日子，我哋為佢哋搞咗個簡單而隆重嘅頒獎儀式。喺其他同事嘅歡呼見證之下，肯定佢哋嘅雙重努力👏🏻
讀書辛苦，返工都好辛苦，但你哋嘅付出我哋絕對睇得到！大家下次過嚟食糖水嗰陣，如果見到我哋嘅學生哥同事，記得畀個大大嘅鼓勵同 Like 佢哋呀！👏
